Verse 1
Ada bi, anɔpa bi
Na awofoɔ bi, ɛferɛɛ wɔn ba wɔ dɛm bisa no sɛ
Kwadwo, nti worebɛbu ɔbra papa nie
Ahwɛ yɛn ama yɛn se atutu, sɛ nea yɛahwɛ wo ama wo se afifi
Yɛnim sɛ abɛsɛ yɛ kɛseɛ a, ɔyɛ ma adufɔkyeɛ a
Woyɛ yɛn dɔba, yɛ dehyeɛ
Y'akoma mu, wo ne obiara mmɔ mu hyeɛ
Yɛn awo brɛ mu, nsuo hyeɛ
Adeɛ hia adɛnkum a, ɔte nsuo, nyɛ kwaɛ mu
Ɔpapa nso ɛtenaa hɔ din, ɔtoa so sɛ
Hwɛ w'afɛfoɔ, ebi wɔ nfuo, agyapadeɛ, ne akurabatan
Hwɛ wo maame, ɔyɛ ɔbaatan, wɔayɛ sɛ ɔkraman baatan
Ne diko, ne ntoma, ɛmu asunsuan
Ɛdan yɛda mu, ɛmu apenpan
Yɛ nkukunkakaa nyinaa ayɛ kyakakyakaa
Yɛ se afem, yɛabɔm agu
Kwadwo, woama yɛabrɛ gu
Asɛm yi, asefem, na montie nnwom a, awofoɔ no nso tooyɛ

Chorus 2x
Woama me abrɛ agu kwa o (2x)
Awoɔ yɛ ya o (4x)

Verse 2
Abranteɛ yi dii awerɛhoɔ, ɔtee nisuo
Hwɛ, ɔbɔ n'ani, na nisuo a
Opanyin ka asɛm a, ɛyɛ musuo
Abusua ni apotaka kɔsɛ, agyasuo
Wɔnbɛdidi a, gye sɛ gari ne nsuo
Kokrokoo, adeɛ akye, anɔpa bɔsuo
Nkakrankakra, akokɔ bɛnom nsuo
Nyinsɛn yi a, abofrɔ ne ntasuo, a
Awoɔ nyɛ woɔ a, awoɔ ne deɛ woama wo ba sini
Ɛna mewoo wo a, wonni hwee yi, ɛnti wobɛnyini abɔ bra papa ni
Dɔba e, hunu sɛ
Wiase yi mu abrabɔ yi, abofra bɔne bɛn na ɔsɛ n'awofoɔ
Ɛwuo, tie m'asɛm o

Repeat Chorus 2x

Verse 3
Agya bi wu a, agya bi te ase deɛ, daa yɛka
Nso, yɛdedaadaa awisea
Ɛnnɛ mmerɛ yi mpo, ohianiwaa mmɔ mosea
Awofoɔ yi, ɛretu wɔn ba fo
Sɛ asɛm to wo a, ɔnya ɔkamafo
Sɛ abɔfra yin so, ɔntere fo
Ɔmo se Awurade ne ne kyɛfo
Daakye, daakye, ɔbɛkyɛ ama na so ne so
Ɛno nti, maame ne paapa, ɛyɛ a, ma monteetee me sa
Ɛnyɛ sɛ, meyɛ atetekwaa
Mode mmafoɔ ɛretwa me adapaa
Ɛbia na na wɔnwɔ mmoa
Ɛbia na na wɔn awofoɔ wɔ sika
Me nso deɛ, efie mu mpɔ abɔ me
Sɛ deɛ dwensɔ abɔ akokɔ no
Na sɛ okotre pa ne okotre so sɛdi nso a, ɔnsɛe honam ara da
Mongyae me na memmɔ me mmera
Ɛnti mongyae me adaapa bɔ
Mongyae me na mengye m'ani o
Na biribi ara wɔ Awurade ne nsam
Ɔbra na merebɔ no, mese ɛnyɛ m'aniha
Ɛnti mongyae me adaapa bɔ
Ɛnyɛ nea mepɛ na ɛbɛhu mo ani o
Na biribi ara wɔ
Awurade ne nsam
Mongyae me na memmɔ me mmera
Mongyae me na mengye m'ani o
Ɔbra na merebɔ no, mese ɛnyɛ m'aniha
Ɛnyɛ nea mepɛ na ɛbɛhu mo ani o
Mongyae me, ngyae me, ngyae me e (loop)
Mongyae me na memmɔ me mmera
Mongyae me na mengye m'ani o
Ɔbra na merebɔ no, mese ɛnyɛ m'aniha
Ɛnyɛ nea mepɛ na ɛbɛhu mo ani o

Repeat Chorus till fade
Awoɔ abɛseɛ me yafunu kwa o
Sɛ mekɔ akwantuo yi, yareɛ o
Awoɔ nfasoɔ biara o
Awoɔ abɛseɛ me yafunu kwa o (2x)
Sɛ mekɔ akwantuo yi, yareɛ ni
Awoɔ nfasoɔ biara o

© Kontihene